முடியரசனின் வரலாறு
இந்தியாவின் தேனி மாவட்டத்தில் பெரிய குளத்தில் சுப்பராயலு – சீதாலக்ஷ்மி என்பவர்களுக்கு மகனாக 7 அக்டோபர் 1920 அன்று பிறந்தார். இவரது இயற்பெயர் துரைராசு என்பதாகும்.
இவர் சென்னை முத்தியாலுப் பேட்டை உயர்நிலைப் பள்ளியிலும், காரைக்குடி மீ.சு உயர்நிலைப் பள்ளி போன்ற பள்ளிகளில் தமிழ் ஆசிரியராகப் பணி புரிந்துள்ளார்.
இவர் இந்தியாவில் சாதி ஒழிப்புக்காக அரும்பாடுபட்ட கவிஞர் ஆவார். தான் சாதி மறுப்புத் திருமணம் செய்ததோடு தனது பிள்ளைகள் ஆறு பேருக்கும் சாதி மறுப்புத் திருமணத்தை நடத்தி வைத்தவர் ஆவார்.
முடியரசன் இயற்றிய நூல்கள்
| நூல் | நூல் வகை | ஆண்டு |
|---|---|---|
| முடியரசன் கவிதைகள் | கவிதை | 1954 |
| காவியப் பாவை | கவிதை | 1955 |
| கவியரங்கில் முடியரசன் | கவிதை | 1960 |
| பூங்கொடி | காப்பியம் | 1964 |
| தமிழ் இலக்கணம் | இலக்கணம் | 1967 |
| வீரகாவியம் | காப்பியம் | 1970 |
| பாடுங் குயில்கள் | கட்டுரைகள் | 1975 |
| பாடுங்குயில் | இசைப் பாடல் | 1983 |
| ஊன்றுகோல் | காப்பியம் | 1983 |
| நெஞ்சு பொறுக்கவில்லையே | கவிதை | 1985 |
| மனிதனைத் தேடுகின்றேன் | கவிதை | 1986 |
| சீர்த்திருத்தச் செம்மல் வை.சு.சண்முகனார் | வாழ்க்கை வரலாறு | 1990 |
| தமிழ் முழக்கம் | கவிதை | 1999 |
| நெஞ்சிற் பூத்தவை | கவிதை | 1999 |
| ஞாயிறும் திங்களும் | கவிதை | 1999 |
| வள்ளுவர் கோட்டம் | கவிதை | 1999 |
| புதியதொரு விதி செய்வோம் | கவிதை | 1999 |
| எக்கோவின் காதல் | சிறுகதை | 1999 |
| அன்புள்ள பாண்டியனுக்கு | கடிதம் | 1999 |
| அன்புள்ள இளவரசனுக்கு | கடிதம் | 1999 |
| தாய்மொழி காப்போம் | கவிதை | 2000 |
| எப்படி வளரும் தமிழ்? | கட்டுரை | 2001 |
| மனிதரைக் கண்டு கொண்டேன் | கவிதை | 2005 |
| இளம்பெருவழுதி | நாடகக் காப்பியம் | 2008 |
| பாட்டுப் பறவையின் வாழ்க்கைப் பயணம் | தன்வரலாறு | 2008 |
முடியரசனின் சிறப்புக்கள்
தந்தை பெரியார், அறிஞர் அண்ணா, பாரதிதாசன் போன்றவர்களிடம் நெருக்கமாகப் பழகியவர். தமது மறைவின் பொழுதும் எந்த சடங்குகளும் வேண்டாம் என்று உரைத்து அவ்வாறே நிறைவேறச் செய்தவர் ஆவார்.
இவர் தமிழ் மீது கொண்ட பற்று காரணமாக இவருக்கு பல விருதுகள் வழங்கப்படுள்ளன. அவையாவன நல்லாசிரியர் விருது, பாவேந்தர் விருது, கலைஞர் விருது, கலைமாமணி விருது போன்றனவாகும்.
அதுமட்டுமல்லாமல் இவருடைய தமிழ் கவிச் சிறப்புக்களைப் பாராட்டி பல பட்டங்கள் இவருக்கு வழங்கி கௌரவிக்கப்பட்டன.
அவையாவன கவியரசு, தமிழ்நாட்டின் வானம்பாடி, பாரதிதாசனின் பரம்பரை, திராவிட நாட்டின் வானம்பாடி போன்றனவாகும்.
மக்களால் வீறு கவியரசர் என்றும் குன்றக்குடி அடிகளாரால் கவியரசு என்றும் அறிஞர் அண்ணா அவர்களால் தமிழ்நாட்டு வானம்பாடி என்றும் அழைக்கப்பட்டார்.
அதுமட்டுமல்லாமல் “என் மூத்த வழி தோன்றல் முடியரசனே எனக்குப் பிறகு கவிஞன் முடியரசன்” என்று பாவேந்தர் பாரதிதாசனால் போற்றப்பட்ட முடியரசன் 1998 டிசம்பர் 3 இறைவனடி சேர்ந்தார்.
| You May Also Like: |
|---|
| ஔவையார் எழுதிய நூல்கள் |
| திருமூலர் இயற்றிய நூல்கள் |